Pepper Chicken - Recipe in Malayalam

Preparation

കോഴി നുറുക്കിയത് നന്നായി കഴുകി വെള്ളം വാർന്നു പോകാൻ വെക്കുക .
ഒരു പാനിൽ എണ്ണ ചൂടാക്കുക . ചൂടായി വരുമ്പോൾ അതിലേക്ക് ആദ്യം ഒരു തണ്ട് കറിവേപ്പില ഇടുക . എന്നിട്ട് ഇഞ്ചിയും വെളുത്തുള്ളിയും ചതച്ച് ചേർക്കുക . ഇത് ചെറുതായി വാടിവരുമ്പോൾ സവോള അരിഞ്ഞതും പച്ചമുളക് കീറിയതും ചേർത്ത് വഴറ്റുക . ഒരു ഗോൾഡൻ ബ്രൗൺ കളർ ആവുന്നതുവരെ വഴറ്റണം .
അതിലേക്ക് മഞ്ഞൾപൊടി , ചിക്കൻ മസാല , കുരുമുളക്പൊടി ഇവ ചേർത്ത് നല്ലതുപോലെ വഴറ്റുക . പൊടികളുടെ പച്ച മണം മാറുന്നതുവരെ വഴറ്റണം . അതിനു ശേഷം തക്കാളി അരിഞ്ഞത് ചേർത്ത് ഇളക്കി മൂടി വെക്കുക . ഇടയ്ക്കു മൂടി മാറ്റി ഇളക്കി കൊടുക്കണം .
തക്കാളി വെന്തു കുഴഞ്ഞു വരുമ്പോൾ ഇതിലേക്ക് കോഴി കഷണങ്ങളും ഉപ്പും ചേർത്ത് ഇളക്കി മൂടി വെക്കുക . വെള്ളം ചേർക്കേണ്ട ആവശ്യമില്ല . ചിക്കനിൽനിന്ന് ഇറങ്ങുന്ന വെള്ളത്തിൽ കിടന്ന് ചിക്കൻ വെന്തുകൊള്ളും . തീ Low Flame ൽ ഇടുക . ഇടയ്ക്കു മൂടി മാറ്റി ഇളക്കി കൊടുക്കണം . അല്ലെങ്കിൽ ചുവട്ടിൽ പിടിക്കും .
ചിക്കൻ വെന്തു കഴിയുമ്പോൾ എണ്ണ മുകളിൽ തെളിഞ്ഞു വരും. അപ്പോൾ തേങ്ങാപ്പാൽ ചേർത്ത് ഇളക്കുക . ഒരു രണ്ടു മിനിറ്റ് കഴിയുമ്പോൾ കുറച്ചു കറിവേപ്പില കൂടെ ചേർത്ത് ഇളക്കി അടുപ്പിൽ നിന്ന് മാറ്റിവെയ്ക്കുക . അതിനു ശേഷം ഒരു 20 മിനിട്ടുകൂടി കഴിഞ്ഞു ഉപയോഗിക്കുന്നതാവും കൂടുതൽ രുചികരം.

കൊതിയൂറും പെപ്പർ ചിക്കൻ (Pepper Chicken)

Ingredients

Preparation